कृषकानां सौविध्याय धान्यक्रयण-केन्द्राणि पूर्ण-स क्रयतया कार्यं कुर्यः - मुख्यमन्त्री
लखनऊ: 15/10/2020 मुख्यमन्त्रिणा योगि-आदित्यनाथेन उक्तं यत् कोविड-19 सङ्क्रान्तिं निवारयितुं रक्षणं सतर्कता च अत्यन्तम् अर्प क्षतव्ये। अत एव तत्र कथञ्चित् अपि शिथिलता न वर्तनीया । तेनोक्तं यत् राज्ये कोविड-19 सङ्क्रान्तेः परीक्षण-व्यवस्था निरन्तरं सुदृढा क्रियमाणा अस्ति। यस्य बलेन प्रदेशे एतावत्पर्यन्तं पञ्चविंशतिलक्षाधिक-एककोटिमितानि कोविड-19 परीक्षणानि जातानि। 30/09/2020 पर्यन्तं एषा सङ्ख्या एककोटिमिता आसीत्। अनेन प्रकारेण पञ्चदशदिवसेषु कोविड-19 परीक्षणां सङ्ख्यायां पञ्चविंशतिलक्षमिता वृद्धिः अभवत्। तेन लखनऊ-कानपुरनगर-वाराणसी-जनपदेषु विशेषतया सतर्कतां वर्तयितुं निर्देशः दत्तः
मुख्यमन्त्री अद्य लोकभवने समाहूते एकस्मिन् उच्चस्तरीये उपवेशने अनलॉकव्यवस्थानां समीक्षां कुर्वन् आसीत्।तेनोक्तं यत् कोरोना-पर्यवेक्षण-व्यवस्था इतोऽपि सुदृढा करणीया सः गहनर्चि कत्साविभागे शय्यानां सङ्ख्यां निरन्तरं वर्धयितुं निर्दिष्टवान् । तेन सर्वेषु चिकत्सालयेषु औषधानां चिकत्सासम्बद्धानाम् अर्पे क्षत-सामग्रीनां च उपलब्धताम् अतिरिक्तया सुनिश्चेतुं निर्देशः दत्तः।
मुख्यमन्त्री "प्रधानमन्त्रि-स्वनिधि-योजनायाः" उल्लेखं कुर्वन् उक्तवान् यत् अस्याः योजनायाः अन्तर्गतम् अधिकाधिक-जनाः लाभान्विताः भवेयुः । तेन नगरविकासविभागः राज्यस्तरीय-वित्तकोष-समितिम् (एस0एल0बी0सी0) आह्वातुं निर्दिष्टः। येन जनेभ्यः सहजतया स्वकीय-व्यवसाय-निमित्तम् ऋणं सौविध्यपूर्वकं समुपलब्धुं शक्येत
मुख्यमन्त्रिणा कथितं यत् महिलासुरक्षाम् उद्दिश्य प्रत्येकेषु आर क्षगृहेषु एकं महिलासहायता केन्द्र स्थापनीयम् । राज्यसर्वकारद्वारा सञ्चालितं 'मिशनशक्ति'-अभियानं शारदीयनवरात्रतः वासन्तिकनवरात्र-पर्यन्तं निरन्तरं सञ्चालयिष्यते । महिलानां बालिकानाञ्च सुरक्षायै राज्यसर्वकारस्य इदम् एकं विशिष्टाभियानम् अस्ति। यस्मिन् आरक्षकैः सह अन्येषाम् अपि विभागानां सहयोगः अर्पे क्षतः । राज्यसर्वकारः महिलानां बालिकानाञ्च सुरक्षायै सम्मानाय च प्रतिबद्धः वर्तते । नवरात्र-अवधौ अस्य अभियानस्य प्रभावजन्यक्रियान्वयने विशिष्टतया अवधानं वर्तिष्यते । तेनोक्तं यत् अस्य अभियानस्य अन्तर्गतं महिलानां बालिकानां च कृते आत्मरक्षणं प्रति जागरूकता प्रसारयिष्यते । तेन निर्दिष्टं यत् सर्वैः अपि जिलाधिकारिभिः स्वकीय-जनपदेष 'मिशन-शक्ति'-अभियानं प्रभाविरूपेण सपरिक्षणं सञ्चालनीयम् । तत्तन्नोडलअधिकारिभिः तेषां कार्याणां समीक्षा अपि करणीया।
मुख्यमन्त्रिणा कथितं यत् धान्य-कृषकानां सुविधानिमित्तं धान्यक्रयणकेन्द्राणां कार्य पूर्णसंक्रयतया सञ्चालनीयम् । एतेषु केन्द्रेषु धान्यस्य आर्द्रतां मापयितुं मापकयन्त्राणां व्यवस्था करणीया। येन कृषकानां कृते धान्यं विक्रेतुं काचिद् अपि बाधा न सम्भवेत् ।
अस्मिन् अवसरे चिकत्साशिक्षामन्त्री श्रीमान् सुरेशखन्ना, स्वास्थ्यमन्त्री श्रीमान् जयप्रतापसिंहः, स्वास्थ्यराज्यमन्त्री श्रीमान् अतुलगर्गः, मुख्यसचिवः श्रीमान् आर०के०तिवारी, अवस्थापनायाः औद्योगिकविकासस्य आयुक्तः श्रीमान् आलोकटण्डनः, कृषि-उत्पादनायुक्तः श्रीमान् आलोकसिन्हा, गृहविभागस्य अवरमुख्यसचिवः श्रीमान् अवनीशकुमारअवस्थी,पुलिसमहानिदेशकः श्रीमान् हितेशचन्द्रअवस्थी, राजस्वविभागीयः अवरमुख्यसचिवा श्रीमती रेणुकाकुमार, सूक्ष्मलघुमध्यम-उद्यममन्त्रालयस्य (एम0एस0एम0ई0) सूचनायाश्च अवरमुख्यसचिवः श्रीमान् नवनीतसहगलः, स्वास्थ्यविभागीयः अवरमुख्यसचिवः श्रीमान् अमितमोहनप्रसादः, चिकत्साशिक्षयोः अवरमुख्यसचिवः डॉ रजनीशदुबे, ग्राम्यविकासपञ्चायतीराजयोः अवरमुख्यसचिवः श्रीमान् मनोजकुमारसिंहः, कृषेः अवरमुख्यसचिवः श्रीमान् देवेशचतुर्वेदी, मुख्यमन्त्रिणः अवरमुख्यसचिवः श्रीमान् एस०पी०गोयलः, महिलाकल्याण-बालविकासविभागीया अवरमुख्यसचिवः श्रीमती एस.राधाचौहान, पशुपालनविभागस्य प्रमुखसचिवः श्रीमान् भुवनेशकुमारः, मुख्यमन्त्रिणः सूचनायाश्च प्रमुखसचिवः श्रीमान् सञ्जयप्रसादः, नमगविकासविभागस्य प्रमुखसचिवाः श्रीमान् दीपककुमारः, मुख्यमन्त्रिणः सचिवः श्रीमान् आलोक कुमार, सूचनानिदेशकः श्रीमान् शिशिरः अन्ये वरिष्ठाधिकारिणश्च उपस्थिताः आसन्